शैक्षिक सुधार गर्छु- वडाध्यक्ष न्यौपाने

भू.पू विद्यार्थी समाजको कार्यक्रम

सिन्धुली । कमलामाई नगरपालिका–१४ का वडा अध्यक्ष राजन न्यौपानेले जनता माध्यमिक विद्यालय चन्दनपुरको शैक्षिक तथा भौतिक सुधार गर्ने बताउनु भएको छ । भू.पू विद्यार्थी समाज, चन्दनपुरले विहिबार विद्यालय प्राङगणमा आयोजना गरेको एक कार्यक्रममा उहाँले सो कुरा बताउनु भएको हो । 
‘यही विद्यालयमा पढेको भएर मलाई यस विद्यालय प्रति अझ बढी माया छ,’ उहाँले भन्नुभयो, ‘यहाँको शैक्षिक तथा भौतिक सुधारको लागि विशेष सहयोग गर्ने छु ।’ उहाँले विद्यालयमा प्राविधिक शिक्षाको आवश्यकता रहेको बताउनु हुँदै यसका लागि पनि पहल गर्ने बताउनु भयो । 

उहाँले विद्यालयको विकास र गुणस्तर शिक्षाको लागि भू.पू.विद्यार्थी समाजले गदैँ आएको कामको खुलेर प्रसंसा गर्नुभयो । वैदेशिक रोजगारमा गएर विद्यालयमा कोष स्थापना गरि गरिब तथा जेहेन्दार विद्यार्थीलाई कपी, कलम लगायतका शैक्षिक सामाग्री वितरण गर्नुले शैक्षिक गुणस्तर वृद्धि गर्न सहयोग पुगेको धारणा राख्नुभयो । 

‘विद्यालय विकास, विद्यार्थीको हकहित र अधिकारको रक्षाको निमित्त भू.पू. विद्यार्थी समाजे हालसम्म गरेका क्रियाकलाप प्रसंसनीय छ, अझ बढी भूमिका निर्वाह गर्न सफल हुनुहोस्,’ वडा अध्यक्ष न्यौपानेले भन्नुभयो ।  

जनता माध्यमिक विद्यालय चन्दनपुरको भू.पू. विद्यार्थी समाजद्धारा आयोजित बडा दशै, दीपावली तथा छट पर्वको शुभकामना आदान–प्रदान, नृत्य प्रतियोगिता र छात्रवृत्ति वितरण सम्बन्धि द्रोस्रो कार्यक्रममा मन्तव्य राख्नु हुँदै उहाँले उक्त कुरा बताउनु भएको हो । 

यसैबिच भू.पू. विद्यार्थी समाजले अपाङगता भएका २ र गरिब तथा जेहेन्दार ४० जना विद्यार्थीलाई कपी, कलम लगायतका शैक्षिक सामाग्री वितरण गरेको छ । अतिविपन्न ८ जना विद्यार्थीलाई विद्यालय पोषक र स्टेशनरी सामाग्री दिइएको छ । विद्यालयका प्रधानाध्यापक रविन्द्र कुमार शाहदेखि कार्यालय सहयोगी जितु अधिकारी दनुवार, विद्यार्थी, अभिभावक र भू.पू समाजका सुवेच्छुकहरुलाई समेत सम्मान गरेको छ । 

विद्यालयमै उत्कृष्ट नम्बर ल्याएर कक्षा उत्तिर्ण गर्ने ७ जना विद्यार्थीलाई शैक्षिक सामाग्री प्रदान गरेर उज्ज्वल भविष्यको कामनासहित पुरस्कार प्रदान गरिएको भू.पू विद्यार्थी समाजका संस्थापक सन्तोष न्यौपानेले जानकारी दिनुभयो । उहाँका अनुसार नृत्य प्रतियोगितामा विद्यालयमा अध्यनरत कोपिला घिमिरे प्रथम हुनु भएको छ । दिपिका थापा मगर, अन्जली थापा मगर र प्रकृती थापा मगरको समुह द्धितिया, करुणा वि.क.तृतीया र सान्त्वना अनिषा कटुवाल हुनु भएको छ ।  उहाँहरुलाई स्टेशनरीको सामाग्रीले पुरस्कृत गरिएको बताइएको छ । नृत्य प्रतियोगितामा १८ वटा समुहको सहभागिता थियो । 

 गायन प्रतियोगितामा विद्यार्थी अस्मिता परियारको मात्र सहभागिता थियो । उहाँलाई स्टेशनरीका सामाग्री प्रदान गरिएको आयोजकले जनाएको छ । 
झन्डै ६ घण्टा लामो कार्यक्रममा नजिकिदँै गरेको बडा दशैँ, दीपावली तथा छट पर्वको शुभकामना आदप्रदान समेत गरिएको थियो ।