सिन्धुलीको डाँफे होटलमा युवा मृत अवस्थामा फेला

सिन्धुली । सिन्धुली जिल्लाको सरदमुकाम सिन्धुलीमाढीस्थित डाँफे होटलमा सोमबार बिहान एक जना युवा मृत अवस्थामा फेला परेका छन् ।
जिल्ला प्रहरी कार्यालय सिन्धुलीका अनुसार कमलामाई नगरपालिका–६ निवासी अन्दाजी ३४ बर्षिय सुमन बिक मृत अवस्थामा फेला परेका हुन् । उक्त होटलमा मृतक ती युवासँगै बसेकी घ्याङलेख गाउँपालिका–३५ वर्षिया माया रानीलाई भने प्रहरीले नियन्त्रणमा लिएको छ । 
मृतकको टाउकोमा बोतलले हानेको चोट जस्तो देखिएको छ । घट्नाको सम्बन्धमा अनुसन्धान भई रहेको जिल्ला प्रहरी कार्यालयका प्रवक्ता एवं प्रहरी नायब उपरिक्षक मनोजकुमार लामाले जानकारी दिनुभयो ।
स्थानीयका अनुसार प्रहरीले नियन्त्रणमा लिएको ती महिला र मृतक विक आइतबार दिउँसो देखिनै होटलमा बसिरहेका थिए । ती महिलाले होटलको कर्मचारीलाई कोठामा आफूले मान्छे मारेको र प्रहरीलाई बोलाउन आग्रह गरेको बताईएको छ ।