खेलकुद

जिल्ला स्तरीय किशोरी भलिबल प्रतियोगिता सम्पन्न

फागुन १४ सिन्धुली । किशोरीहरुलाई खेलको माध्यमबाट समुदायमा चेतना जगाई हिंसा कम गर्ने उद्देश्यले संचालित जिल्ला स्तरिय किशोरी भलिबल प्रतियोगितामा परिवर्तन जागरण क्लव बिजेता भएको छ ।

"बिहेबारी बिस वर्ष पारी, महिला हिंसा मुक्त समाज निमार्ण हाम्रो अभियान" भन्ने नाराका साथ संचालन भएको प्रतियोगिता प्लान इन्टरनेशनलको आर्थीक सहयोग, जिल्ला खेलकुद बिकास समिती सिन्धुलिको समन्वयमा दियालो युबा क्लबको आयोजनामा सम्पन्न भएको हो ।

प्रतियोगितामा न्यु सिद्धस्थलि इङलिस बोर्डिङ स्कुल उप- बिजेता बन्यो भने आदर्श नारी क्लव मरिणले रानीचुरी युवा क्लवलाई पराजीत गरी तृतीय स्थान ओगट्न सफल भयो ।

जिल्ला खेलकुद बिकास समिती सिन्धुलीका सभापति सुर्य पाख्रीनको प्रमुख आतिथ्यता तथा दियालो युवा क्लव सिन्धुलीका अध्यक्ष मेघराज कार्की (रमेश) को सभापतित्वमा सम्पन्न खेल समारोहमा बिजेता तथा उप-बिजेतालाई सिल्ड तथा प्रमाणपत्र प्रदान गरिएको थियो ।

सोमबारबाट सिन्धुली खुल्ला मंचमा शुरु भएको प्रतियोगितामा जिल्लाको मरीण गाउँपालिका, तिनपाटन गाउँपालिका, गोलन्जोर गाउँपालिका र कमलामाई नगरपालीका स्थित ९ समुहको सहभागीता रहेको थियो ।

प्रतिकृया दिनुहोस

पढ्नै पर्ने